西九高鐵站餐廳女子當眾吞雲吐霧 兼除鞋赤腳踎櫈上 網民怒轟：報警處理啦！

有網民日前（14日）分享短片控訴，指自己在西九龍高鐵總站一帶食肆用餐，突然聞到陣陣甜味，起初並不為意，料知樓主發現「過咗陣有啲煙飄過」，便以為走火警，回頭看發現原來是一名打扮亮麗、還戴住名牌頸巾的女子，公然在店內吞雲吐霧吸食電子煙，樓主更形容女子「仲要擺埋隻腳上凳」，指畫面有如「田園家鄉感覺！」

閱讀更多：台妹訪港點茶餐嚇呆！形容綠啫喱似廁所清潔劑唔敢食 港網民：是香港人的童年回憶

事件隨即在網上掀起爭議，不少網民留言鬧爆：「犯法係應該報警處理喎」、「叫控煙辦嚟啦」、「你可以幫佢報警，等佢坐下監」、「仲要擺埋隻腳上凳，冇衛生意識」、「呢啲人真心冇乜公德心」、「好恐怖呢啲人」；亦有人諷刺稱其為「仙氣姐姐都變廢氣姐姐！」

根據《吸煙（公眾衞生）條例》（第371章），任何人在食肆等法定禁煙區內吸煙，或手持已點燃的香煙、雪茄、煙斗，均屬違例，可被票控定額罰款3,000元；條例同樣適用於其他吸煙產品，包括水煙、電子煙及加熱煙草產品。