荃灣診所搞笑告示惹熱議 逆市宣布唔加價「人加我唔加一齊笑哈哈」 網民激讚：香港良心！

近日有網民分享，荃灣某診所貼出的告示，以黃紙黑字大大隻字寫著：「人加我唔加，一齊笑哈哈！2026年不加價！祝身體健康！」 據了解該診所位於荃灣，並承諾在逆市間凍價與市民共渡時艱，樓主亦在貼文中寫道：「好好笑！」；

另一邊廂，醫管局已宣佈於2026年1月1日起大規模調整公立醫院收費，是自2017年以來首次重大改革。 當中急症室收費將由180港元大幅上調至400港元，而一般市民最常使用的普通科門診（如家庭醫學診所），診金亦會由50港元（包藥費）急增至150港元（不包藥費）。

閱讀更多：男子捧巨型植物搭港鐵 大到遮住個頭遠睇似怪物 網民：好似《Stranger Things》

不少網民大讚醫生「有心」，與市民共渡難關：「佢之前有做過消防員Promotion ，去睇醫生免費」、「仁醫嚟」、「有良心」、「幾好，唔賺都唔想你病」、「但感覺用詞好市井，唔太啱醫生專業」、「佢祝人身體健康，佢就會冇生意啦喎」、「呢啲就叫做香港良心」、「仁醫嚟，公院狂加價！」