荃灣街市貓貓滿面傷痕流血 好心街坊問會否求醫 檔主爆粗狂鬧：佢唔見咗告你偷貓！

近日有熱心市民發文，指在荃灣某街市發現一隻貓貓滿面傷痕兼流血，身上更有疑似貓癬的皮膚病痕跡。據事主憶述，當時因擔心貓隻情況，遂向現場一名疑為檔販的女子詢問會否帶貓隻求醫，惟名女子反應激烈：「我停低望下貓，圖中女人已經好惡望住我，我話貓貓好似唔舒服，會唔會帶佢睇醫生？佢即刻好嬲再用粗口鬧我」。

閱讀更多：元朗街市大貓疑遭長綁困黑舖 網民心痛：無水無糧點過夜？

該名女子不但以粗言穢語指罵及驅趕事主，更堅稱貓隻健康正常：「佢叫我唔好多事，話隻貓正常冇問題，又話如果隻貓唔見咗就告我偷貓」。事主表示，自己並非首次途經該處，並觀察到該貓隻皮膚問題日益嚴重：「其實隻貓唔止塊面損晒仲流血，個身上仲有一撻撻好似癬咁應該係皮膚病」、「我唔係第一次經過，見到佢嘅皮膚病越嚟越嚴重」。

為免與對方引發進一步衝突，事主未有繼續拍攝更多貓隻傷勢的照片，選擇先行離開，並在網上發文公開事件，為受傷貓隻尋求實際的援助方法。據悉，事主目前已就事件正式向香港愛護動物協會（愛協）報案求助，冀盼有關機構能及時介入。

事件曝光後旋即引起熱議，大批網民紛紛留言關注貓隻的健康狀況：「淨係喺張相都見到隻貓塊面紅晒，真係冇陰功，養貓只為捉老鼠」、「直頭報警話有隻舖頭貓嚴重受傷就搞掂」、「如果皮膚病發炎，真係盡快帶睇獸醫！可惜有無機構可以問吓」、「利用佢來捉老鼠！有病又唔佢睇醫生！人地想幫下隻貓，又話人偷貓」。