老伯大鬧葵芳快餐店！爆粗舌戰收銀員＋食客 經理高EQ舉動獲讚

早前網絡瘋傳影片，一名老伯正於葵芳某快餐店待購食物，排隊期間他突然「發爛渣」，不停爆粗怒斥收銀員；之後有人出言斥老伯阻礙他人，他更轉移陣地與食客舌戰一番，現場火花四濺，最終靠經理高EQ回應，老伯方肯收火重新下單；不少網民看完，都大讚經理表現超班：「經理真係好高EQ！」

閱讀更多：西九豪宅旁驚現32呎「廚廁臥一體」單位 月租2,000蚊 網友嘆同坐監冇分別 知情人士爆真實情況

老伯爆粗舌戰收銀員兼食客

涉事影片長達一分鐘，攝於葵芳某連鎖快餐店，一名阿伯於收銀櫃枱前疑因不滿服務，，連番爆粗怒斥女職員「乜X嘢啫，而家我係玩你唔得啊？」期間有食客大聲指摘他阻礙隊伍，阿伯則答「阻咩嘢人啊？佢咁X惡我就係要XX佢，你行X開啦你」，之後更揚言「我唔買啊！我唔買啊得唔得啊？」女職員淡定回應「咁你咪唔買囉」；老伯之後轉移陣線舌戰食客，有人揶揄要報警，阿伯則表示「唔使報警，佢無呃我錢！」

經理高EQ回應令老伯收火

事件最終由經理出面安撫，成功平息場面；影片尾段可見，最終轉由經理上陣應對，他向老伯表示「感應唔到啊，你張卡」，老伯續表示取消下單重購食品；經理則表現平和地幫忙，終令老伯收火。事後不少網民稱讚經理高EQ處理突發情況！

網民呼籲勿跟車太貼

不少網民看完影片後，皆留言批評阿伯火爆，更斥其只顧著發火，完全漠視排隊食客的感受：「恰人唔會還擊」、「人地排緊隊㗎！」亦有人認為經理處事高EQ，表現得臨危不亂：「經理真係好高EQ」、「香港服務業之光！」不過亦有網民指出，片段只長達一分鐘，未知事件來龍去脈，籲勿跟車太貼：「無前無後，一定係呢位老人家錯？」、「空穴來風必有因」、「或者伯伯未必錯晒！」