繽紛樂牛角包熱爆網絡！火炙朱古力微溶爆漿超Dope 網民教路用呢一招仲好食

有網民分享奇趣食譜，指早前曾目睹有人整「繽紛樂牛角包」，樓主適逢露營則決定下海一試！從相片可見，樓主將一條完整的繽紛樂直接置於火爐鐵網上燒烤，經火炙後的朱古力外層微溶，帶有焦香，樓主形容「用火槍燒融少少仲正」，樓主亦提醒要注意火候，事關「隊太近勁易燒燶！」樓主試食後對這款自創料理讚不絕口，極力推薦大家露營時可以一試，大讚「簡單又好食！」

閱讀更多：網民拉紅線撮合疑似詐騙園員工 網民笑爆：結婚請你去KK園飲 金牌媒人Bob都畀Like：有料到

帖文隨即引起網民熱議，意見更是正反不一：「Bro睇落好劣」、「好似好正」、「加埋棉花糖應該幾正」、「今個星期露營就試試佢」、「反正都肥， 灑埋沙糖喺面先燒咁就正啦」、「會唔會甜到黐線？」