網民拒絕公屋首派東涌 相隔1月極速獲派這條「舊邨」 網友因一原因嗌羨慕：中六合彩！

對於樓主申請公屋心路歷程，不少網大感好奇，網友問到：「翔東（邨）新樓點解唔要？一派擴展，二派市區？」樓主自言本身住在九龍區，「我個number係可轉市區嗰批入面。佢畀翔東我嗰陣，開頭係疊埋心水諗住要，結果佢有得畀我轉巿區。擴展，拒絕後，咁啱可以轉市區，二派就彩虹。」大家最關心一派與二派相隔多久，樓主表示：「拒絕咗就轉市區，等咗1個月左右就二派。」

有提到彩虹邨紅萼樓準備清拆，樓主說：「依一棟（紅萼樓）都會拆，之後安置如無意外係新彩虹邨，某程度上都叫準新樓。」、「預計10年後先拆，住住先，等上新樓。」

不少網友恭喜樓主，留言：「中六合彩啦，過幾年原區新樓喇」、「正呀，位置好，租金平，簡單裝修入住，慢慢儲錢，新樓豪裝，享受人生」、「正到不得了啦，上上籤。唔要就真係Ｘ到上心口，等拆，唔使點裝修，隨便木板間下房算。到時候大機會同區安置，安置喺原地址新樓，又有機會安置喺對面新樓。市區地鐵站上蓋附近，有錢都買唔到。」