網傳FV牌私家車硬攝兩死車中間 司機稱用自動泊車肇禍 網民揭一盲點質疑：AI圖嚟？

近日網上瘋傳圖片，事主描述現場有兩輛已停泊好的車輛（俗稱「死車」），兩車當時均有司機在內。惟一輛掛有「FV」中港車牌的車輛突然攝入兩車之間，最終發生碰撞：「撞人嗰個係中間嗰架，FV牌。重點係前面同埋後面嗰架，都係已經泊咗喺度嘅死車，前面同後面都有司機喺度」。

閱讀更多：86歲伯伯觀塘道逆線過馬路 警到場接走 報稱「蕩失路」

事發後，前車司機察覺車身遭碰撞後隨即下車，與中間的「FV」車牌司機理論，然而，據指該名司機在獲悉撞車後並未即時收手，反而繼續開車向前推擠：「前面個司機發覺俾人撞，落車同中間個司機講，個司機仲喺度推」。亦有網民稱當時目睹意外發生：「我當時行過聽到佢（司機）同警察講用自動泊車系統」。

惟仍有網民質疑事件的真偽：「如果中間架車後到，點泊得入呀」、「前後死車點可能入到呢個位」、「是AI嗎？難度好高，好想現場睇」、「好奇怪，點迫入去而前後車又夾實」。