紅Van司機為「留位客」逼婆婆讓座惹眾怒 拒開車反嗌「你影響我情緒」 網民怒轟留位文化

有網民近日分享影片，指早前下午等候小巴「等咗差唔多半個鐘」，上車後女司機卻要求坐在最前排的婆婆讓位，聲稱該座位已被其他乘客「book咗位」；婆婆認為自己先上車而拒絕讓位，女司機隨即發火喝罵對方「唔坐就落車」，結果惹來全車乘客不滿、紛紛出口為婆婆抱不平；片段所見，一名戴口罩、身穿灰色上衣的女司機坐在駕駛座上，不時轉身與乘客爭執，後排亦有乘客舉機拍攝過程。

閱讀更多：公屋驚現神秘「無孔插蘇」？戶主欲自行改裝被勸阻 網民揭真實用途：亂改隨時火警！

之後車廂內對罵愈演愈烈，有乘客心急催促開車「開車，大家都要去醫院」，亦有人怒斥「你唔開車，畀返晒啲錢人哋落車！」。惟女司機堅持拒絕開車，情緒激動反駁「我點開車呀，大佬大哥，我開車都需要情緒㗎，你咁樣鬧，我點開車呀！你影響我情緒呀，我點開呀！」，之後有乘客直指「你情緒唔穩定咪唔好揸囉！」期間更有乘客質疑司機疑似以手機反拍乘客，要求對方「你同我刪咗佢」，最終司機扭頭不語，與一車乘客僵持不下，場面一度陷入膠著。

影片惹來網絡熱議，更有大批街坊留言訢苦，怒插該小巴線「電話留位」文化：「而家先知原來可以打電話留位」、「留位問多幾句就cut線」、「平時總站都要等十幾廿分鐘先有車」、「脫班郁啲就話壞車同塞車」、「根本冇心做條線」、「有時打電話留位，講慢d都比人粗口問候！」