紅磡藥房驚現懷疑「掉錢黨」！事主購物期間發現沓水銀包在地上 超機警出呢招自保

有網民發帖，指在紅磡某連鎖藥房購物時懷疑遇上「掉錢包陷阱」:「買藥嗰陣，將個籃放喺地上睇貨。期間一名戴口罩嘅男子喺附近徘徊。」事主準備離開時發現籃旁，突然多了一個露出大疊現金的殘舊銀包，當中更見有500元紙幣一張。 事主自言機警，沒有觸碰銀包，並即時通知店員處理，怎料店員一撿起銀包，該名男子隨即衝前出示身份證認領，全程反應冷靜又熟練，令事主愈想愈不安，擔心自己險些捲入「撿錢包反被誣衊偷錢」的圈套！

閱讀更多：網紅蛋撻疑藏釘書釘！前藝人嚴淑明險吞釘落肚 網民轟離譜：吞咗就大鑊 涉事店舖有回應

不少網民認為事件極大機會屬於騙局，紛紛提醒遇到類似情況時切勿貪心或隨便觸碰現金，應第一時間通知店員或報警：「真係跌銀包啲錢都唔會咁樣突出嚟」、「點解500蚊只見個銀碼」、「正常身份證都會收埋喺銀包入面！」 亦有網民指，所謂「跌錢黨」其實並非新鮮事，自稱早在三十年前已在海港城、中港碼頭一帶出沒，近年亦曾在旺角及深圳福田遇上類似招數；「呢啲跌錢黨都有三十年歷史」、「以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈！」