米線店「霸廁」風波！港女漏M匿廁所清潔疑遭姐姐大聲鬧 網民：女人何苦為難女人 店方有回應

之後樓主進入廁所清潔，「因為係連身裙+漏M嗰個位有啲上，我入到去已經即刻除條裙落嚟抹，入咗去差唔多5-6分鐘左右，我就開始聽到出邊有姐姐勁大聲話我霸住個廁所，唔知喺度搞咩，跟住就有人過嚟係咁敲門。」

樓主指當時感到不好意思，「佢過嚟敲第一次嘅時候，我已經有話唔好意思，有人，等多一陣，好快出嚟，再用我最快嘅速度印乾條裙。」怎料出到廁所後，遭店完責備，「譚仔姐姐係門口勁大聲話霸住個廁所咁耐，我要斟水㗎嘛，跟住全餐廳啲人望晒過嚟，嗰吓我真係尷尬到傻，解釋又唔係，唔解釋又唔係。」

貼文引起熱議，不少網民留言撐樓主，「呢啲唔使驚佢㗎，同佢據理力爭就得㗎啦，by the way都唔希望你有下次再經歷呢啲事情」、「客人咩原因用廁所用得耐，職員都唔應該大聲鬧客」、「點解要蝦一個女仔 ？女人何苦為難女人。」亦有網民質疑「點解佢要入廁所斟水嘅」。

涉事米線店關注到貼文，並留言：「感謝您和我們分享是次體驗，三哥向來非常重視服務及衛生情況，我們已立刻將是次事件紀錄在案。為進一步了解情況，懇請您可以透過IG私訊我們提供聯絡方式，讓我們盡快與您聯絡。在此感謝您對譚仔三哥的支持。」