私家車倒後鏡驚現蜈蚣搭順風車 乘客驚恐大叫 網民揭潛在危機

片段所示，當車內乘客發現左邊倒後鏡爬有大蜈蚣時，氣氛頓時變得相當緊張，乘客更嚇得激動大叫。期間有人連忙安撫司機，大喊：「你睇前面得嚟啦，我幫你影咗嚟啦！」亦有乘客不斷驚呼：「好大條！」、「好恐怖呀，黐線！」

影片上載至社交平台後引發廣大網民討論，不少網民坦言被畫面嚇倒，留言指：「咁大條嘅！」及「好恐怖」。同時亦有網民幽默笑言蜈蚣正在搭「順風車」，笑稱：「搭車要畀錢」、「叫佢轉數快」。

此外，不少心水清的網民亦紛紛留言發出警示，提醒車主切勿掉以輕心。網民指出：「通常見到1條，都會有寶，可能喺車啲罅隙入邊，留意下車天花、冷氣風口位、腳踏位」、「唔係嚇你，蜈蚣通常都係一對一雙咁出現，呢條都好大條，盡快處理」，更有網民警告指出倒後鏡與車身結構相連：「識返入去個鏡殼到，可能喺入面生 BB，鏡同車身係互通的，隨時入埋車籠」，呼籲車主盡快徹底檢查及處理。