的士司機車頭變「手機牆」！6部電話播片美女畫面密密麻麻超誇張　網民鬧爆：分心駕駛超危險

有網民分享一張的士車廂照片，只見司機位置前方及擋風玻璃位置，密密麻麻放滿多部手機，就連儀錶板附近亦放滿手機，畫面更是美女如雲，相當誇張！樓主更無奈地形容「嘩！好忙喎 ，秒秒鐘都幾十萬上落！」

閱讀更多：觀塘茶餐廳$40咸魚雞粒炒飯 加送大大隻瀨尿蝦！網民推測呢個原因豪華加餸

貼文隨即引起網民熱議，有人笑言單看相都覺得頭暈眼花，亦有人擔心此舉或影響行車安全：「政府要係街做多d放蛇 。打擊車頭多餘兩部手機」、「自炒好喇，唔好害人」、「不專心駕駛」、「咁多電話係咪啲客留低左係架車」、「成日以為自己係車神」、「真係有錢人！手機都要買7部」、「睇相都頭暈」、「分心駕駛超危險！」

運輸署早前提醒，由明年1月25日起，司機在駕駛時於車頭前方不得放置多於兩部流動電訊裝置，包括手機、平板電腦或手提電腦 。當局指如違反有關規定，司機最高可被判罰款2,000元 。