港鐵男擘大對髀坐勁阻碇！無辜男被逼埋牆角「敗走」 網民獻計對付自私精

返工返學迫港鐵，自然想有位坐補眠多一會！早前有網民分享，一張攝於港鐵車廂的圖片，可見幾名男子迫在同一卡位上，右一藍色衫男子整身幾乎被迫埋牆，目測就連伸手按手機的空間都沒有，非常擠迫！

閱讀更多：私家車自炒撞毁行人路欄杆 疑似涉事女子舉V自拍惹爭議 網民鬧爆：破壞公物有咩好影？

明明該卡位可以坐五個人，為甚麼這麼擠迫呢？原因就是右一外套男擘大對腳坐，佔用了不少空間，變相其他人的位置變窄不少。樓主在貼文寫道「衰格就係呢種人，最後迫到藍色衫嗰個乘客起身走人」、「原先得四個人坐，白色衫嗰個係後來先攝落去嘅，跟住變咗迫走咗藍衫嗰個！」

貼文流出後，惹來網民激烈的討論，幾乎所有人也一面倒抨擊外套男行為自私，指他「當正港鐵係自己屋企咁坐」、「真係唔明點解要叉開隻腳」、「呢啲通常扮瞓覺」，亦有網民提出方法應對這情況：「點解唔過去叫醒佢」、「直接行過去叫佢縮腳」、「叫佢咪阻住晒！」