港鐵男拍卡入閘仍被指逃票 職員反駁：有拍卡大晒？男子強調：「你睇住我拍卡」附港鐵回應

近日社交平台流傳一段影片，事發於港鐵南昌站，一名穿白衣的男乘客在拍卡入閘後被港鐵職員截停，並獲發「違反附例通知書」，雙方隨即在閘機旁發生激烈爭執。影片顯示，男乘客不滿地指出自己確實有拍卡動作，質疑閘機未能感應屬港鐵公司問題，並強調自己有付費意願，並非逃票：「我知道咩事，但你哋公司問題入我數？你見到我有拍（八達通）你知道㗎」。

閱讀更多：網傳輕鐵車長行車期間撳電話 港鐵：展開內部調查和跟進

港鐵職員則解釋指：「你係咪有拍，同佢（閘機）係咪成功感應到係兩樣嘢嚟」。雙方爭論期間，港鐵職員表示若查無紀錄，按例可罰款1000元，現時要求乘客出閘重拍並發出通知書已屬「彈性處理」。惟男乘客對此說法並不接受：「我有拍係咪即係我有畀錢嘅意願啊？」，港鐵職員則回答：「咁我哋而家如果查到你係無紀錄，我哋而家無罰你錢，正常我哋會罰你錢」。男乘客再強調自己沒有逃票動機：「但係你係咪見到我有畀錢嘅意願啊？我唔係逃票啊嘛！你呢度（違反附例通知書）話我逃票喎」，港鐵職員則稱「彈性處理囉」。

男乘客認為事件若屬無心之失，應直接讓他重新拍卡入閘，而非開罰單留下紀錄：「你彈性處理就唔係開呢張嘢啊！直接放我出嚟再拍啦！」惟港鐵職員重申：「如果我哋唔彈性處理，直接罰1000蚊嘅」。期間男乘客一再強調「我有拍卡㗎喎」、「你睇住我拍卡㗎喎」，另一名港鐵職員即反問：「有拍卡大晒啊？」

男乘客不滿地向港鐵職員重申：「你知無心之失就放我來再拍啦，點會take record啊？」，港鐵職員解釋所有個案的處理手法均一視同仁，並着該名乘客若有不滿可致電熱線投訴。最終，男乘客重新拍卡入閘離去，事件才告一段落。