港鐵男公然車廂剃鬚惹議 全程單手操作兼玩手機 網民激辯：啲鬚會唔會周圍飛？

近日有網民分享港鐵車廂奇景，影片可見一名身穿深色T恤、卡其色長褲的男乘客，竟然拿出電動剃鬚刨「即場剃鬚」；該名男子單手拿著鬚刨在下巴位置，來回剃動，另一隻手還能神態自若地按電話，畫面非常搞笑！樓主表示當時鬚刨發出極大「dee dee」聲，更在帖文言道「佢仲可以邊wechat，真心問唔落剃鬚膏剃唔痛咩」。

閱讀更多：菲律賓男童Cosplay《龍珠》 用錯乳膠漆洗唔甩爆紅 由白色菲利升呢金菲利！

影片資料來源：Threads＠kaga_ss

有關影片惹來很大網絡迴響，有人戲言男子身份實為「特務」：「呢個型號911表面上係一個鬚刨，實際上佢係一個風筒」、「作為一個特務...儀表係好緊要㗎」、「女人可以搭車化妝，男人都可以搭車剃鬚」、「電鬚刨唔駛落膏」；亦有網民提出衛生隱患：「啲鬚會周圍飛喎」，對此則有人留言解答：「用鬚刨係唔會飛晒啲鬚出嚟」、「其實電動剃鬚刨，啲鬚係唔會周圍飛，不過嘈到人就真嘅」。