港鐵女子車廂喪塗指甲油 全車被逼聞刺鼻「天拿水味」 網民怒插：當自己屋企？

有網民發帖，指其在港鐵車廂目擊一名粉紅色羽絨女子，旁若無人地塗抹指甲油，令整個車廂傳出濃烈化學氣味：「坐坐下聞到成陣天拿水味，原來旁邊條女喺度油指甲油！」相片所見，涉事女子正專注為指甲上色，其間更不時吹乾雙手，似乎對周遭乘客的反應毫不在意。

閱讀更多：港人200萬疑買入公屋「化妝樓」 收樓10日假天花冧巨型石屎 網民高手過3招教驗樓防伏

帖文惹來網民熱議，少人直指涉事女乘客行為過份，甚至有人指「原來剪指甲都未夠癲」，質疑女乘客是否忙碌到「連搽指甲油都要喺地鐵」：「試過坐飛機都有人油指甲油，頂佢個X，真係黐線」、「約咗仔仔啊嘛，未夠鐘咪搽下囉」、「好想睇佢油出界」、「如果企唔穩，隨時支甲油跌落衫同手機！」、「當自己屋企呀！」