港鐵天后站疑現「白撞黨」！港男拒絕陌生大叔搭訕 事後對方露詭異表情 網民教路出呢招應對

一名港男日前發文分享，指早前（ 7 日）途經港鐵天后站附近時，突然有一名約 60 歲、與自己全不相識的男子，主動向自己打招呼「像是熟朋友打招呼，我聽唔清楚佢叫我乜嘢！」起初樓主以為對方是喊另一個人，回頭查看才發現對方真的在叫自己，於是即場回應「我唔識你喎，不好意思！」怎料對方面露不悅，表情帶點惱怒，樓主不禁問「佢望住我係有一些惱怒的樣子，有無人話俾我聽呢個係咪詐騙？」

閱讀更多：土瓜灣街市肉檔地上擺豬肉 老鼠大軍出動歎「自助餐」 街坊食老鼠口水尾？

樓主經歷在網上惹來熱議，很多留言都認為事件極大機會是騙案：「九成係提子（提防騙子）」、「小心係以前嗰啲迷暈」、「最近我都聽到幾單白撞，有捲土重來之勢」、「貌似60歲的男人有沒有問你攞錢買水飲 」、「我半年內見過呢個人幾次，行來行去四圍問人要錢買水」、「我以前遇過婆婆級騙子問我攞$20買粥食，我拒絕，佢即刻變臉，變到面目猙獰！」

有網民就提出一系列自保貼士，認為遇上陌生人突如其來打招呼，最穩陣做法是「唔識扮識，一律當詐騙」、「零反應先安全！」不過亦有網民抱持較開放態度，認為世事難講，不排除只是單純認錯人：「可能佢真係認錯人」」、「有一日我去買麵包，事頭婆一見我就叫出我嘅名，但我唔識佢。佢話佢係我幼稚園同學，又講咗我阿媽當時係幼稚園老師。事後我阿媽證實佢真係我同學！」