港鐵兩男疑因碰撞爆爭執 大叔手執鏈鉗勞氣喪鬧 目擊者：成班人即刻嚇走晒！

港鐵車廂又有紛爭！有網民上載影片，港鐵車廂內疑兩名男乘客因碰撞爭執；片中見車廂坐滿乘客，地面有一個工具袋，灰衣男手持大型鏈鉗，情緒激動，與戴帽男互相指責「我撞你？我坐喺度」、「你睇下你態度先啦」、「你郁我先㗎！我唔X郁我，我會發脾氣」、「得把死人聲」、「你唔好講咁X多嘢啦！」戴帽男多次踢向工具袋，現場氣氛一度緊張。部分乘客曾嘗試勸阻，惟未能化解僵局。最終灰衣男收拾工具袋坐回座位。

閱讀更多：女子北上後攜1物回港被罰逾5,000元 網民獲悉真相後揶揄：抵你畀人罰！

影片流出後，在網絡惹來極大迴響，初時網民以為灰衣男手持的是士巴拿，隨後則有網民留言糾正：「維修師傅算斯文忍讓」、「呢個唔係士巴拿 ，係鏈鉗」、「車咁多人都被你地霸晒D位」、「一開始嘅時候我錄唔到，但係成班人係即刻嚇走曬」、「依把水喉鏈鉗 ，唔係士巴拿！」