:quality(80)/public/tvbcom/article/images/202604/a9551471-6cea-425e-8b48-dea0de763e89.jpg)
最近有網民大呻恐怖經歷，表示早前返辦公室時，突然感到大髀有異物刺痛，起初不以為然還出手拍打，沒想到站起來一掃褲管，竟掉出一條長度近乎手掌般大的巨型蜈蚣！樓主言道「我feel到大髀好似有嘢拮咁，就企起身掃一掃條褲，佢就係咁樣出場」、「有曱甴爬咗入褲襠都冇咁恐怖」。
閱讀更多：港男公屋獲派安蔭邨 「睇都唔睇」秒拒直指葵青區尾二 街坊2原因嘲走寶：多人恨都恨唔到！
片段可見，一條巨型蜈蚣正在辦公室地上爬行，之後樓主伸出手掌，驚覺蜈蚣的長度竟與成人手掌差不多大。樓主指「（蜈蚣）真係有手板咁大條」，並補充事情經過：「我夜晚過嚟做嘢，可能個Office附近有花槽喺度，所以唔知點樣入咗嚟，我當時坐喺度做緊嘢，完全feel唔到有嘢爬咗入我褲裏面」、「不過我上網search過佢係有毒，不至於致命但係會劇痛，所以呢排潮濕大家出入，都要小心啲花槽位」。
帖文曝光後引發網民熱烈討論：「啲人話蜈蚣係一對既，要小心」、「小心啲俾蜈蚣咬咗要打破傷風針」、「我試過喺屋企見到浴缸有條蜈蚣陪我沖涼，應該係拎毛巾嗰陣跌咗出黎，嚇到我大叫」、「我試過訓訓下有條牙籤咁大既，爬係我身上走嚟走去大喊咗半個鐘」、「都幾大條，萬幸佢冇咬到你」。
翻查衞生署於2006至2008年的研究顯示，蜈蚣不僅棲息於郊野、花園和公園，就連市區亦見其蹤影！數據指出，高達49%的咬傷及螫傷事故竟是在家中發生（當中30%為村屋），另有30%則在郊野、花園和公園發生。
文獻記載大多數傷者，均是無意間踩踏到長有一對分泌毒液腺體口器的蜈蚣，故超過一半人的傷處都在腿部。署方特別提醒，被咬後患處通常會出現局部腫脹、發紅及疼痛，若遇上難以承受的痛楚，市民可先用不會燙傷皮膚的40℃至43℃熱水浸泡處理，並緊記必須盡早求醫！
