港男荃灣遺失AirPods成功尋回 獲好心人叉足電兼入膠袋保護 網民激讚：人間有愛！

香港街頭充滿溫情！近日有網民不慎於荃灣遺失AirPods Pro，沒想到該名好心人拾獲耳機後，不但貼心地將其充電至94%，更用上雙層膠袋包裹好，掛在失物位置附近的鐵絲網上，事主特意發文致謝：「係邊位師兄將我個airpod pro叉好電，兩層膠袋掛喺跌嘅附近嘅鐵絲網，真係世界級好人，好想話比你知我去認領番了，好多謝你」。

閱讀更多：風扇仔始祖曝光！90年代經典款勁刮面 神秘轉接頭有呢個作用

事主透露正因為好心人幫忙充電，耳機有充足電量持續發射定位訊號，令他最終奇蹟地尋回耳機：「我係去到3米範圍個Find My 開始show埋箭嘴話我知，我一路行到喺0.5米前面，本身都無為意係呢個膠袋，但望真啲有條灰色繩就係我隻耳機，我番到去一開盒見到94%，佢有幫我差好電令個耳機send到find my signal」、「兩層膠袋，個耳機盒完全無濕」。

帖文隨即引來網絡迴響，不少人留言讚揚上述暖心舉動：「叉好電？入膠袋？入兩個膠袋？係菩薩」、「嘩，好人難得，仲要咁包法，實無人吼，大癲」、「好感動，樓主記得要扶多啲阿婆過馬路啊」、「人間有愛…真係好好人」、「好人一世平安」、「香港就係需要呢啲愛」、「叉埋電真係無得頂！勁好呀」、「叉埋電先可以追蹤到，朋友好細心」、「不求回報嘅好人，一生平安」。