港男收近5小時語音訊息！原來嫲嫲睡着誤錄鼻鼾聲 網民感觸：要珍惜仲聽到長輩把聲！

最近有港男分享搞笑嫲孫互動，樓主貼文中指「我嫲嫲唔小心錄咗4個鐘的錄音比我」，更向網民問道「會唔會係世界紀錄？」手機截圖可見。該段語音訊息長達4小時51分28秒，發送時間更是在凌晨3時29分！隨後有網民問道「半夜三點，係咪鼻鼾聲嚟」，樓主亦稱是，估計可能是嫲嫲睡著時，不小心碰到錄音按鍵所致。

閱讀更多：大埔豆腐檔誤收錯錢 手寫告示尋「高大小朋友」退還 網民讚窩心：信譽就係咁樣累積！

帖文引來網民留言大讚嫲嫲「好可愛」：「嫲嫲好搞笑」、「勁得意喎」、「我阿婆錄咗8個幾鐘俾我，我到今日都仲未down到佢落嚟！」

亦有人呼籲樓主把錄音保存，珍惜眼前人：「要save低一個 copy，第時你會好想聽返」、「聽唔到你嫲嫲把聲都好，千祈唔好del」、「好好保存 。你會明的」、「當年我工作返shift..唔可以袋電話，爸爸時常留言問我返唔返屋企食飯，錄音無咗，依家想聽返佢把聲都無」、「我爸爸好大鼻鼾聲，可惜以前無電話可以錄低」、「我婆婆走左之後乜都冇留低， 記得好好保存！」