港媽花2小時煲「粟米薯仔通心粉湯」 發文控老公一手賤舉動毀湯頭 圍爐失敗反被網民鬧爆：地獄料理？

有港媽發文控訴丈夫，指自己早前花足兩小時煲粟米薯仔湯，兼加入通心粉，一心打算為家人準備健康午餐，不料丈夫在盛湯時，竟自行倒入即食麵的調味粉，令她極感無奈及氣憤：「我煲咗兩小時嘅粟米薯仔湯煲通心粉，我想一家人食個健康午餐……佢就懶醒，加多包即食調味落去煲湯入面，我真係想講粗口，成煲湯變咗味精湯，我仲比唔比個女飲呢？我成朝整湯料嘅時間白費曬，好救命，點解會咁。」

閱讀更多：工人姐姐蒸呢樣嘢當一味餸 僱主笑指「再畀我見到就炒」 網民：睇落都幾溫馨！

網民紛紛留言討論，不過大家卻關注港媽的煲湯方法；有人質疑煲兩小時通心粉是否必要，兼認為粟米、薯仔、通心粉同屬澱粉質，強調配搭單一未算均衡：「通心粉煲兩個鐘，唔係呀嘛」、「齋碳水唔落肉係唔駛煲咁耐」、「粟米=澱粉，薯仔=澱粉，通心粉=澱粉」、「三種澱粉煲一煲澱粉水」、「下次煲兩個鐘，記得落啲肉」、「擺得落口嗎」、「下次唔好再煲澱粉水！」

樓主解釋自己係新手媽媽

樓主之後澄清，自己是位新手媽媽，這次湯品食譜特意遷就女兒喜好：「點解會用兩個鐘，因為我兩條新鮮粟米，一粒一粒搣入去，這是我個女兒的親子湯。我自問無廚藝，但我起碼會去試。我唔信你哋個個出世就識煮餸煲湯。」