港媽網購上腦變身設計大師！廁所DIY潑墨風兼逐粒貼馬賽嚇窒阿女 網民讚：好過對住四面白牆！

早前有港女發文崩潰控訴，指媽媽近日沉迷網購，在網上買入大量家居改造用品，並靠一己之力逐步「翻新」屋企，港女更形容此舉猶如「室內設計藝術家靈魂被激發出嚟！」從上載照片可見，媽媽的「創作」主要集中在廁所，先在浴缸及磚牆上塗上藍色油漆打造潑墨風，又購入馬賽克粒逐粒逐粒貼滿洗手盆枱面。

閱讀更多：港人屋企遭野生鸚鵡「襲擊」 原來是極度瀕危物種 網民 ：極度愛鬧，極度小氣！

最令樓主無奈的是媽媽買來一塊多處破爛的「傻瓜鏡」，用作取代原本「冇穿冇爛」的半身鏡，照鏡時港女更指誇張到「身高150變170」；港女媽媽現時更把目標轉向屋企大門，正自行用油漆將大門改造成粉橙色，令她直言相當崩潰！

帖文引來大批網民熱議，有人正面讚賞樓主媽媽有心機兼有創意「如果有時間陪阿媽一齊玩仲開心，好同壞都好，起碼一定有你同媽咪嘅回憶先」、「佢自己貼馬賽克好勁」、「好過對住四面白牆」；亦有網民擔憂網購平價裝修物料或含致癌物：「淨係覺得你間屋好毒，唔知幾多嘢係超標，有甲醛之類」、「雖然幾好笑，但真係有啲健康風險！」

​