港媽等足8年半終獲派公屋 幾千蚊低成本間房 網民驚訝：整得好靚！

有港女網民近日報喜，指以二人家庭身份輪候公屋約八年半，早前因嫌地點偏遠，曾拒絕「首派」東涌翔東邨單位，其後「二派」獲編配牛頭角樂華南邨，最終決定接納新居，興奮形容終於「畢業喇」！

閱讀更多：網民盤點7大最方便公屋！葵芳邨太和邨齊齊上榜 呢條屋邨登頂 網民激讚：5秒入港鐵閘贏晒私樓

樓主亦貼出拎鎖匙及單位實況相，可見單位裝修已大致完成，客廳以灰色牆身配淺木色地板，空間一氣伸延至騎樓露台，感覺寬敞清爽；現時客廳已放入部分傢俬，基本生活配備逐步就位。值得留意的是，天花已裝上疑似窗簾路軌，樓主坦言暫時無意以木板間出獨立睡房，打算只靠路軌簾簡單分隔休息與活動空間，既保留開揚感，又方便日後按需要再調整間隔。

帖文發布後隨即掀起熱議，大批網民留言恭賀事主：「恭喜樓主」，「今次你安居樂業」、「整得個地幾靚」、「整得好靚」、「樂華好過東涌太多」、「車費都慳」、「有個騎樓真係正」；同時，有人對單位面積和裝修細節感到好奇，追問「咁大間？二人唔係得15坪？」、「地板係上手整？」

樓主其後補充，指自己原先是透過「擴展市區」申請公屋，其後再轉回市區配屋，今次獲派的樂華南邨單位約23.5坪、約253呎，屬於舊式但實用的一房戶；室內只做了簡單裝修，牆紙由自己動手貼，腳下則是師傅鋪設的膠地板，「幾千蚊就搞掂」，並重申打算以路軌簾取代實牆分間，保留單位開揚感之餘，日後亦方便再作調整。