:quality(80)/public/tvbcom/article/images/202601/1a3379fe-c4ca-4b73-8ea6-9c1634349562.png)
有港媽在社交網發文，懷疑自己被地產經紀欺騙，她指為了校網而購入啟德私樓，「我買啟德1號係為咗校網，點知俾地產佬呃咗... 同其他家長傾完，我開始後悔… 諗住搬入啟德1號，一大原因係聽地產經紀講『34校網，名牌學校，升學有保證』。」
惟後來發現34網並不多名校，而且競爭很大，「同幾個家長傾開，先發現所謂「34網」真正名校位唔多，好多要抽，仲要同隔離屋邨、新樓盤爭崩頭。仲要原來區內冇一線小學，啟德好似冇「神級」小學！想讀好學校，可能又要搭車出返九龍城、何文田。咁同我住其他區有咩分別？我當時俾多啲錢買啟德1號，某程度上係為咗個校網。」
港媽又問到大家是否蝕底了，「如果校網優勢根本唔明顯，係咪蝕咗？真心問：有冇同區家長可以分享真實經驗？我唔係想唱衰，只係覺得當初可能太信地產宣傳... 定係其實有啲 hidden gem 我唔知？」
惟大批網民不撐港媽，直言她自己攞嚟，「有咩理由人哋講完，自己查都唔查？」、「如果你有心入神級小學，就要做多啲功課，千萬不能聽信地產經紀」、你買得起就不如考慮直資和私小」、「唯有叫阿仔努力啲，阿媽今次失策」。
