港媽公屋首派彩虹邨陷兩難 憂就快重建白費裝修費 網民撐收樓：絕對係上上籤

近日有港媽發文，分享自己「啱啱第一派彩虹邨」，她更指其一家三口育有一名一歲多的幼女、及於九龍塘上學的5歲兒子，經親身視察後大讚該處「都算幾安靜，隔離都係老人家，走廊都好乾淨」；惟彩虹邨預計將於十年後拆卸，屆時雖可獲派同邨新樓，但港媽仍陷選擇困難，明言「上網睇過佢好快就拆，所以都唔知點做」、「怕花咗一筆錢去裝修跟住又要搬過」。

閱讀更多：荃灣西巴士站兩男上演MMA 中年漢將漢青年壓地 途人：打尖仲打人！

帖文一出即引來大批網民熱議，大家幾乎一面倒力勸港媽接受單位：「彩虹去九龍塘坐地鐵勁方便」、「呢條邨係上上籤」、「買餸又方便，地鐵樓下，咩車都有得坐」；網民指出彩虹邨的地理位置極佳，附近更有圖書館、游泳池等設施，生活配套完善，論到校網亦具備很大優勢，絕對值得入住。

針對港媽最憂慮的裝修煩惱，網民則指：「簡單裝修就算」、「求其裝，等派新」、「牆壁數下油，用衣櫃間房，地磚都唔好鋪」。有網民更指計過條數，指即使花十多萬裝修攤分十年，每月花費不足2000元，遠較租私樓划算。

另一方面，絕大部分留言更認為十年後搬遷反而是優勢，屆時一對仔女已十多歲能幫忙搬屋，兼原區安置新樓，相比起其他苦候重建遙遙無期的舊公屋戶，現時有明確時間表實在難得；更有熱心網民上載彩虹邨重建計劃時間表，指出樓主所屬的第二期清拆預計於2035至2036年才進行，時間充裕絕對「要得過」。

亦有網民好心提醒「10年後政策變動無人知」，加上重建工程或會帶來長達數年的噪音及塵土飛揚問題，而且「搬一次屋真的很煩」。不過，港媽在綜合各方意見後，留言回應指「見到大家嘅意見，個心都定啲」，並透露幾日後實地睇樓，若無意外「都應該會要」。