港婦沙田商場哭訴疑遭美妝店騙錢 自稱被店員高壓推銷＋取走信用卡 網民大爆全港同類情況犯濫

該名婦人於片中哭訴指，店員當初以讚美其衣着及邀請拍照為由將她引入店內，其後多名店員向她進行推銷：「佢話姐姐你件衫好靚，問可唔可以幫我影張相，目的係想我入去。」、「我本身都唔知入面賣啲咩，一入去就Sell我嘢，又喺我面度搽嘢，3、4個人嚟 Sell 我，Sell 到我頭都暈晒，仲拎埋我啲卡，又問我有冇第二張卡，話張卡冇錢，其實係有錢，想呃我拎第二張卡。」婦人續指，使用相關產品後出現皮膚過敏情況：「搽咗佢哋嘢，對眼紅晒、腫晒，睇晒醫生，佢哋都唔肯退返俾我，呃咗我4萬幾，2萬幾利息，佢哋唔肯取消張單。」

貼文隨即引發網絡熱議，不少網民留言指曾遇過類似經歷，形容店員常以打招呼或讚美開場，將顧客帶入店內高壓推銷，甚至有大隻佬守在門口，亦有網民指多個大型商場均有類似經營手法的化妝品店。

警方表示，早前收到一名58歲譚姓女士報案，指於7月20日在沙田新城市廣場三期一店舖，以約6萬港元購入貨品，其後認為有人營銷手法有問題，遂報警求助，事件不涉及刑事成份。