港女Gym房大量斟水拖車仔帶走 被網民轟好Cheap 本尊親解原因 店方事後3字大方回應

有網民公開圖片，驚見一名戴耳機女子正身處某健身室，手持數個膠樽踎低斟水，旁邊更放有購物車，疑想斟滿水帶走自用；畫面可見，當時並無其他人等候使用斟水設施；樓主在帖文寫道：「黐X線，攞架車仔10幾個水樽喺gym斟水，有無咁cheap呀？」

閱讀更多：公屋二派「筍盤」白田邨！發現上手住戶被鄰居滋擾至搬走 樓主網上求助網民教2招應對！

不少網民留言批評女子行為，更質疑對方「有錢買耳機同會籍，但買唔起起水」；亦有人持不同看法，認為斟水無礙他人，甚指女子是否因家中停水才這樣做：「我喺現場就會串佢知唔知醜」、「乜都攞到盡，好無格」、「好不明嘅行為」、「任斟㗎，有乜問題」、「樓主咪咁多事」、「係咪屋企停水啊？」」

事件隨著網民熱議，涉事女子親自留言解釋，因家中臨時無食水，原本有訂購樽裝水但延遲送達，當日順道斟水補給家用，指自己亦會讓位予有需要斟水的人，並反批帖主只在背後偷拍發帖「你隻縮頭龜，就喺我後面影相po threads」，呼籲有意見可當面反映；而該連鎖健身中心官方亦回應表示「無問題！」