港女苦等19年公屋獲派元州邨「頭獎盤」 網民質疑如何「保持不超資」：只做兼職？

輪候公屋動輒十年八載，能獲派心儀「市區盤」難能可貴！近日有女網民報喜：「19年終於等到1人單位，二派理想屋邨，祝各位都收到新年禮物啦」，樓主獲二派長沙灣元州邨元禧樓一人單位，興奮大晒配房通知信。大批網民留言道賀，更盛讚元州邨地理位置極佳，交通便利之餘，周邊街市食肆林立，是公屋界公認的「頭獎盤」！

閱讀更多：旺角外賣焗豬飯疑藏曱甴！港女屙足5次嘔3次極崩潰 網民：睇完我都想嘔 食環署已提出檢控

樓主隨後大方透露單位面積約 193 呎，屬於設有獨立廚廁的「新樓」一人單位，居住環境相當理想，不過最令網民震驚，莫過於長達 19 年的漫長輪候時間！大批網民對於樓主如何在近廿載間，一直維持符合公屋入息及資產審查（現時一人限額分別為 $13,090 及 $291,000），紛紛留言佩服其「保持不超資」的毅力！

網民甚至猜測樓主是否「臨門一腳辭職」或從事等現金出糧工作來控制收入：「能夠保持住不超資既等待精神！難得」、「係咪19年來只做兼職」、「當年臨門一腳辭職，專心等公屋？」、「你做的士司機、定私人教練？」