港女搭的士撞正《愛‧回家》陳生 笑爆：好彩冇問我借豉油 網民激讚超親切

TVB處境劇《愛·回家之開心速遞》中飾演「陳師奶」丈夫的綠葉演員黃志榮，現實中除了是一名演員，原來還是一位稱職的士司機！近日有網民分享照片，指自己召的士時，發現司機便是「陳生」黃志榮。事主更在帖文中幽默戲言：「好彩上到車陳生冇問我借豉油」。

閱讀更多：《愛‧回家》演「陳師奶」老公入屋 黃志榮背景公開曾任職輔警

其後，部分網民其後分享個人經歷，表示曾乘坐過由黃志榮駕駛的的士，並留言指他待客親切，亦有網民分享與他的互動畫面，形容意外遇上熟悉的電視面孔相當驚喜。

帖文隨即引來網絡迴響，部分網民更指自己曾乘搭黃志榮駕駛的士：「我都坐過！原本唔留意，我女細細聲講好似係食屎陳先生」、「幾年前坐過佢車，好nice，佢仲拎個平板比我睇佢演過既劇」、「坐過佢車，真人有講有笑，好Nice」、「食屎陳師奶係咪車度」、「樓主唔好帶豉油上車」、「同佢講去列堤頓道」、「你話你約左陳師奶」。

翻查資料顯示，黃志榮除演員身份外亦有從事多項副業。由於他持有不同類型的駕駛執照，因此經常在劇集中獲派演各類司機角色，更被外界封為「TVB御用司機」。他早年因拍攝運輸署「小巴安全帶」宣傳片而廣為人知，其後多次在劇集中大展「駕駛功力」，包括《鐵馬戰車》的小巴司機、《降魔的》的垃圾車司機及《堅離地愛堅離地》的巴士司機等，TVB「御用司機」之名當之無愧。現實中的他同樣「揸住堂軚」，兼職做的士司機幫補收入。