:quality(80)/public/tvbcom/article/images/202604/c67e7da7-75c7-4aa6-a008-15d9b31bd7bd.png)
有網民分享短片，攝於九巴61M號巴士車廂，畫面可見巴士仍在行駛，還未到站；惟一名黑超港女突向司機催道「喂，你識開門呀嘛 」，司機隨即回答「未到站啊姐姐」，之後港女則辨道「我提一提你，驚你睇唔到，又聽唔到」；期間有乘客不耐煩嚷道「你打鐘啦」、「個鐘都着緊囉」；巴士逐到站，黑超女隨其他乘客下車，影片隨之完結。發文者則言道「車都未埋站，就催促司機開門？？真係咁趕」。
閱讀更多：車Cam片｜大嶼山的士打開車頭蓋行車 網民轟危險駕駛：睇到路咩？
有關影片惹來甚大網絡迴響，不少人留言怒斥黑超女行為：「交通條例規定，巴士必須埋站先可以上落客」、「規矩就係規矩，如果唔到站開門有一個客落車仆親」、「仲同個站差好遠喎」、「咁你唔好㩒鐘啦下次，同個司機講有落」、「蠻不講理」、「趕時間就搭的士啦」、「睇落似上個站冇撳鐘，師傅唔開門。跟住下個站唔忿氣」、「你估自己搭緊的士呀」。
根據香港法例第230A章《公共巴士服務規例》第3條及第9條，巴士必須在指定巴士站停車，方可讓乘客上落車。規例訂明，巴士司機在乘客提出要求時，須在巴士站停車讓乘客下車；運輸署《道路使用者守則》亦清楚指出，乘客只可在巴士抵達車站及停定後才可上落車。若巴士司機違反規例，在未埋站的情況下開門讓乘客上落，可被處罰款$2,000。
