港女嬲爆投訴屯門站清潔工 女廁鎖剩兩廁格疑偷懶唔清潔 網民斥薪水小偷：一定要投訴！

港女更指清潔人員疑似「扮唔知」，「呢單嘢一定要投訴，仲要個阿姐扮唔知， 見我影住佢，佢即刻攞返條鎖匙出嚟開，真係想問可以咁樣鎖住唔俾人去？」港女指與一同排隊的女生，因為排太耐才揭發事件，「唔想清潔就要鎖住，我前面個女仔入去爆石，我同後面個女仔一齊排隊，我哋都等咗8分鐘，我屙完行返出嚟，後面個女仔話等極都冇人出嚟！ 我哋兩個研究咗啲廁格先知係完全冇人！佢同我都燥咗！！有冇屯門人試過。。」片中所見，港女逐格廁格敲門，惟都沒有人回應。

貼文引起熱議，不少網民質疑清潔工，「真係幾離譜，可能真係清潔工鎖咗，需要叫屯鐵查一下！」、「肯定係佢鎖 咁佢咪只需要清潔兩皮（格），向港鐵投資呢個站既，呢間清潔公司，既呢位職員，受人工，但只想做少少，所以方便自己鎖起厠所」、「傻架！咁大個站實際俾得3間廁所人用，咁起咁多女廁做咩！」、「薪水小偷，一定要投訴！」

港鐵回應tvb.com，指昨晚九時許，當時屯門站一個女廁，有部份廁格沒有人使用但門被鎖上，清潔人員其後打開廁格，讓乘客使用，車站會密切留意有關情況。