:quality(80)/public/tvbcom/article/images/202601/bd60407a-380b-4fb7-b016-263ce8eab22d.png)
有港女買了一個蘋果批，惟砌開後發現有異物，最後竟然是一隻藍色膠公仔，她拍片及影相放上網，留言：「今日屋企人買左個蘋果批，剛岩岩切開諗住食既時候，以為有粟米，第食左第一淡時候正常，食第二淡想咬既時候就見到有藍色物體，在打開就好像見到一個硬公仔，如果唔為而咪大鑊啦，最慘就係揾唔到間野係邊，又無名又無標籤，連個紙袋上網睇過都無既，不同關係問過屋企人只知道係顯徑商場買的...」
貼文引起熱議，有網民直指樓主孤陋寡聞，「呢個係國王批呀 係法國人慶祝新年會食既甜品 食到有陶瓷公仔嗰啖 代表你今年會好好運」、「呢個叫國王批 係法國西班牙呢啲國家嘅傳統 批入面收埋左個公仔 邊個食中左會全年行好運」，但亦有網民認為店家有責任講清楚，「我覺得應該標着一下入邊有玩具，如果唔係唔熟悉文化嘅人哽死或者咬崩隻牙，我覺得店家要負責任」。
國王批（Galette des Rois）是法國傳統新年糕點，源自法國人在每年1月6日天主教主顯節前後吃的圓餅狀蛋糕，由千層酥加入杏仁奶油內餡烤焗而成。國王批的傳統經歷數百年的演變，埋藏在批內的瓷偶象徵好運的來臨，昔日習俗寓意抽中者將擔當「國王」的角色，傳承幸運與祝福。
