港女不滿火鍋店雪壞其私伙芝士！店方高EQ賠呢樣嘢勁爆笑 網民睇唔過眼：舊嘢根本冇壞！

有網民在Threads發文，控訴旺角某新開火鍋店「蝦碌」處理食材，令她精心準備的生日驚喜大打折扣！樓主表示為了下星期替朋友製作生日蛋糕，特意在前往火鍋店前先去烘焙店購買了一塊價值二十多元的 cream cheese；入座後，樓主特意委託侍應將該塊 cream cheese 放入雪櫃暫存，怎料結賬取回時，竟發現侍應「佢哋居然將佢放咗入冰箱」，樓主指：「識整甜品嘅人都知道，cream cheese 放咗入雪櫃基本上已經唔用得！」樓主更直言「吞唔落啖氣！」

​閱讀更多：元朗驚現電單車印度式載客！一車六人兼全部冇戴頭盔 網民鬧危險：好易出事

事主強調自己無要求金錢賠償，只向侍應提出「你哋廚房有cream cheese 嘅話，你哋切返同樣g數畀我就得」，惟店方表示沒有存貨，僅能提供牛肉作補償。 最終樓主無奈接受，並用原本盛載芝士的盒子，盛著大塊生牛肉離開，場面相當滑稽！ 樓主在帖文中指：「為咗平衡返自己心理，我就問，一係你哋切返 30 蚊牛肉畀我....」而最後有兩位朋友陪伴樓主重新購買材料，才平息了這場小風波。

但不少網民卻不認同樓主做法，甚至留言支持餐廳做法「高EQ」：「有冇人知道係邊間火鍋？覺得佢地eq 好好，好想幫襯」、「切返30蚊牛肉係佢先諗得出」、「同埋我做餅嘅，我話你知，你個 Cream Cheese 一定就仲用得」、「人地好心幫你雪，你就揸住雞毛當令箭」、「明知要去食飯。竟然之前去買cream cheese，即係一早預咗要麻煩人哋額外幫你做嘢」、「明明可以打完邊爐先買舊cream cheese，係都要打之前買」、「切舊牛比佢就趕到佢出門口，識玩」、「同佢一齊食飯d朋友會唔會好尷？」