港人公屋首派屯門低層單位 難頂地獄級惡劣環境忍痛放棄 同邨街坊爆料：好多小強！

獲派公屋本是喜事，但遇上屋邨環境惡劣實令人頭痛！有網民發文訴苦，指自己剛剛拒絕了首派的屯門大興邨低層單位，原因是難以忍受樓下環境極度惡劣；從上傳照片可見，該處疑似是屋邨走廊或機房位置，不但喉管縱橫交錯，地面濕滑，樓主更形容現場充斥著「臭渠味同油煙味」，唯有忍痛放棄上樓機會：「通常幾耐會有第二派，樓下果陣臭渠味同油煙味真係頂唔順！」

閱讀更多：深水埗「與廁同眠」租盤 租$X,XXX！馬桶隔籬就係床隨時爆衛生隱患 網民：監倉式劏房

網民紛紛留言指「環境好恐怖」，更指樓主放棄首派的決定，實屬明智之舉：「嘩！拒絕啦！真係幾惡頂」、「如果係油煙味就吾好要啦」、「油煙飄入屋周圍痴立立、吸得油煙多肺唔好、住落都唔健康、等二派啦」、「仲有咁惡劣公屋」、「半年左右啦，有第二派㗎啦」、「咁嘅環境你仲要住2樓，隨時有老鼠」、「我都住大興！夜晚街市出黎好多小強，前幾年仲有好多米奇！」