港人交還公屋被要求還原這絕版廁所配件 否則徵收$3,513還原費 最後結局峰迴路轉

退還公屋最怕「還原」！近日有港人求助，指月底即將交還單位，惟房署主任檢查時指出其廚房水龍頭「並非原裝」，勒令必須在限期前復原，否則將徵收高達 $3,513 的還原費。事主大感無奈，更指該舊款水龍頭已停產多年，走訪附近五金舖尋找仍不果：「依家水龍頭已經出晒新款，呢個款已經無咗好多年」，故向網民求助「知唔知道邊度可以買到呢？」

閱讀更多：大埔停車場小童突彈出做鬼臉 司機急煞停幸未釀意外 網民：點解唔睇緊個小朋友？

隨即有網民提出質疑「佢似當你改左喉，所以收埋你水喉復位費用和水龍頭錢！」事主補充指在單位已居住逾 20 年，強調從未改動喉管：「只係拆左隻廚房門同換左個坐廁，基本所有野都無郁過，就連廁所洗手盆下面我都無整過！」

對此，不少熱心網民紛紛獻計，建議事主嘗試到網購平台搜尋，或前往鴨寮街及大型五金舖碰運氣，或向屋邨內的維修工程人員求助：「一個龍頭三千幾，同搶冇分別」、「要一模一樣？咁好難搵」、「網購平台搵」、「著住工衣幫住戶維修嗰啲，問下就得，乜都有得還原！」

亦有人留言指家中有同款水龍頭，願意割愛轉讓，事主即回覆「可否賣給我呢？但係唔同色都唔知主任收唔收貨！」對方則建議先向主任查詢。事隔一日事主再報喜，指最終竟然在「媽媽家」成功尋獲該款舊式水龍頭，將會自行更換以應付房署檢查，避過高昂賠償費！