港人交還住30年公屋 ！「絕版和諧式」間隔曝光 網民大讚：開則好住過新公屋

有網民近日發文，指自己主動交還居住近30年公屋單位，該單位更是「超過450呎，可間到2–3間房」，樓主大讚單位「幾唔錯」！相中可見，雖然單位已搬得七七八八，但客廳仍顯得相當闊落，廚房的磁磚及廚櫃雖有歲月痕跡，卻十分企理。而樓主清屋當日更是遇上「奇遇」：「最搞笑係清屋嗰日，突然發現自己原來咁受歡迎，其他街坊消息靈通到，走嚟睇吓有冇嘢可以執、接手」。

閱讀更多：大興邨297呎單位變日系兩房！港男靠木系設計＋通頂櫃用盡每吋空間 網民因一細節憂還原費高

上述單位引發網民熱議，不少眼利網民一眼認出是「和諧式」設計，紛紛大讚間隔實用：「開則好住過新公屋」、「30年樓，睇得出係和諧式」、「呢隻房型真係好闊落好好住」、「仲要廚房同廁所都好大！」樓主亦認同網民說法，指出舊式單位「四四正正」，感覺實用面積更高！

亦有網民好奇單位內的裝修，是否必須還原。樓主引述房署外判主任的說法，指「就算上手鋪好晒磚，都會打拆兼還原最原始的面貌，以免有爭拗」；不過亦有網民分享自身經驗，表示房署有時會視乎下手租戶的意願，而決定是否保留上手裝修。