深水埗大牌檔$420瀨尿蝦惹熱議 食客事後呻貴 網民一原因撐食店

貼文曝光後迅速引發網民熱烈討論，不少網民直指每隻420元的價錢相當「揦脷」，紛紛留言批評價格過高：「好聽叫海鮮價，唔好聽就係水魚價」、「食水好深！」更有人打趣表示「張相我明明見到係水魚」。同時，亦有網民分享前往街市親自購買及烹調的經驗，指自己買最抵食，留言稱：「三隻都系五舊鬆D，扎扎跳，清蒸超甜，超好食」、「自己整丫嘛，200元有找。」

然而，另一邊箱亦有大批網民認為餐廳屬明碼實價，食客不應在事後才作抱怨，表示：「無話貴唔貴，食時已經知，食完話貴無嘢好講」、「有冇講明幾錢隻先落單呀，有講明咁你呻X呀」、「食時已經知，食完話貴無嘢好講」，認為既然落單前已清楚價格，便應為自己的消費決定負責。