消防處有回應！女網友玩交友App被呃飯食 自稱消防男「借屎遁」走數

惟到埋單時，男方竟指信用卡被盜用，希望女網友先幫手埋單，女網友續指：「其實全程飯佢都話被人盜用信用卡碌左成廿萬好愁…舖好哂路俾我睇，到食完飯一齊去商場拎車，我都有講餐飯成$1600咁貴，可以AA一人一半，我都唔好意思第一次見要人請，佢堅持話佢請…仲話下次約去行山…減低我戒心。」惟兩人前往拎車期間，男方竟「借屎遁」閃人，女網友大呻：「我真係去等佢，我去到唔見佢，當時仲tg佢，佢仲有覆話爆緊石，我都驚驚地唔知佢會唔會走左，點知佢真係block 左我，頂….好X慘呀！」事後，女網友回想指難怪男方不願合照，幸好當時拍下男方的相片，最終決定上載該相片，希望大家多多提防！貼文曝光後，不少網友為該女網友大感不值，留言：「女呃仔聽得多。 仔呃女真心慘」、「有相 唔報警 都報東張啦 咪比佢害人」、「破財擋災！前世欠左佢，今世比翻佢，以後都唔會再遇到依個衰人」、「男人老狗仲衰過乞衣」。