沙田馬房馬匹網絡爆紅 跌Lunch出窗外露慘樣勁Cute 馬房回應：已經將午餐補償番佢喇

有網民分享圖片，樓主稱在沙田踩單車時，驚喜發現一隻馬匹從窗邊探出頭，而下層窗口對上位置，則堆滿了乾草，疑為馬匹糧食掉了下去，故令馬匹「苦視」一番，畫面趣怪可愛，連樓主亦不禁笑言「沙田踩踩下單車，見到隻馬伸個頭出黎，好Q！」

閱讀更多：葵涌幪面鐵騎士VS男工街頭比武 大鵬展翅硬撼詠春黐手 扯甩頭套一刻笑爆全網！

圖片在網上引起熱烈討論，就連疑似馬房負責人亦在帖文解畫，證實該馬匹正是其馬房旗下的「幸運風彩」；負責人笑言牠作為「老闆」，絕對有資格任性一下，並指「我哋都知佢哋其實都好辛苦，命運亦都好坎坷，所以我哋一直盡心盡力咁比最好嘅佢哋！」負責人亦呼籲市民路過時不妨與馬匹打招呼，因為牠們極具靈性，能感受到大家的善意，最後更感謝眼利網民發現馬匹「跌咗個午餐」，並表示已即時補回乾草。

網民亦大讚畫面有趣可愛：「佢跌左餐晏」、「二月頭見過佢，當時佢盒lunch都跌咗落去」、「其實佢望住堆草跌左落街」」、「個樣好得意」、「馬：今日食食下草。見到有人踩單車望我，好Q」、「牠的午餐掉了，快幫牠！」