:quality(80)/public/tvbcom/article/images/202508/fd0f1081-3204-472a-95c0-b3ba3a1c0a69.png)
有市民購物差點被碌走4,500萬元！有網友在網上分享在沙田一間藥房購藥物，價錢160元，埋單時選擇電子支付碌卡，惟碌卡時發現「交易失敗」，樓主說：「我心諗：冇理由㗎…就打開手機望下咩事…..一打開….4000幾萬…. 我心諗：X呀！」樓主指當時職員嚇到呆咗。
延伸閱讀：天文台App一日推百則推播提醒 市民手機震唔停 網友笑爆：多過男朋友搵我！
樓主隨文附上交易紀錄，其中一筆金額達到$42,695,209.52，惟顯示「被拒收」，其後另一筆$160的交易則成功計數。
有網友推測出錯的原因，不少人估計是「入錯barcode當價錢」，亦有人猜是否「入咗信用卡號碼」，惟事主坦言用電子支付「使鬼畀卡佢咩」。最終涉事藥房親自解畫，表示：「其實個操作流程係收銀同事先按「確認」鍵，再拍員工卡核實交易金額。但如果同事無按「確認」而直接拍員工卡，個銀碼就會變咗員工卡背後嗰組8至13個位嘅虛擬卡號。我哋會俾返呢個Post同事睇，希望以後佢唔會再咁唔小心，抱歉。」
