:quality(80)/public/tvbcom/article/images/202508/61071a07-610d-47ba-9990-26c2dd3e1aba.png)
疑似情侶大打出手！有網友在社交網上載影片，地點發生在沙田大會堂對出位置，片頭見一名男子被女子扯頭髮，之後女子不斷拳打男子頭部，男子未有還手，女子後來轉身拎起手機，再大力狂扑男子頭部，男子不勝武力，以手格擋並爬起身以圖甩身，惟女子仍扯實男方頭髮，幾經掙扎最終成功甩身，男子拔腿就跑，現場還遺下一鞋子，女子則緊緊追在男子身後，樓主指當時有餐廳職員報警：「淨係知佢哋跑走咗，鞋都甩埋」。
有疑似知情者透露兩人是情侶關係，「佢哋係情侶，成日打交嗌交」、「佢哋都已經唔係第一次，拍咗半年拖左右，三日唔埋兩日又打一次，打到上半身又損又腫，條女癲㗎成日周圍惹火。」、「其實條仔幾慘，衰過做狗。」，惟未知爆料者所說的是否屬實。
片段曝光引起熱議，不少人直指女子惡死：「條女用部電話大大力咁扑男仔個頭！好Ｘ恐怖呀！」、「嘩！條女咁惡死！」亦有不少人同情該男子：「「打贏話你蝦女人，打輸話你俾女人蝦，真係排名不分先後！」「除咗笑，我諗無其他反應可以畀。」
