:quality(80)/public/tvbcom/article/images/202601/1b581743-ebaa-45e9-a2e9-6ae628b9de9e.png)
沙田有女子夜晚回家時疑遇露體狂，她形容心情就像坐過火車，難以用筆墨形容，「事緣我如常搭嗰架小巴返屋企，平時都有一兩個人一齊過馬路。過完馬路我見有個男人行咗喺我前面，見佢個感覺好似搵緊路咁，跟住見佢落咗去隧道，然後又行返去我前面，我以為佢搵緊路點行啦。睇佢個樣同裝束正常，身形操過肌咁款，就無再為意，咪繼續剪片。」
惟到轉彎位時，港女竟遇到該男子露體，「佢企咗喺牆邊，打大赤肋露左條X出黎。我當堂嚇到走夾唔抖，即刻係佢隔離跑走：X！係咪黐X線㗎！」之後港女思維一轉，「我心諗我都幾十歲人我有咩未見過！我無野驚，唔怕！ 於是即刻跑返轉頭，諗住影佢大頭，點知條變態佬已經走到冇雷公咁遠，跑到去街尾位置。好可惜幫唔到佢出名！」港女提醒女士返屋企時要份外留心。
貼文引起熱議，不少網民着樓主要報警，「好運中心，呢度有cam,你可以報警，九成九拉到」、「就咁睇片條街都ok靜 追上去其實有啲危險」、「你照報警 通常幾日內拉到人 太多實例 根本犯法 加上一定捉到」、「報警呀死變態要拉呀」。
