背心男10號風球爬出大廈通渠 零安全措拖勁牙煙 網友鬧爆危險：完全係黐X線

片中所見，當時風勢頗大，一名背心男由窗戶爬出外牆石壆，未見有做安全措施，又手持螺絲批疑在通渠，期間單手扶牆轉身，通完渠後便爬入回單位，畫面牙煙。

不少網友指行為危險，「條友咁大膽嘅，我連窗都唔敢開，佢居然爬咗出花槽，完全係黐X線」、「早唔做，遲唔做，專做d高難度動作，一陣又要人救，一陣有咩三長兩短又響度哭葬」，亦有網友教路，「屋企試過，但當時用衣架攪掂」、「用掃把都得喇」。