:quality(80)/public/tvbcom/article/images/202605/f8db28aa-d76b-4104-8dee-751225e74df5.png)
網上流一滴段傳車Cam片，地點發生在元朗博愛交匯處，車Cam顯示時間是周三（20日）早上10時20分左右，車主在博愛交匯處行駛時，發現有一隻柴犬闖到路中心，當時有不少貨車行駛，幸好車主反應及時，下車打算捉住柴犬，惟柴犬對陌生人有戒心，車主未能成功捉到牠，及後疑是工人姐姐趕到，將柴犬抱起。
Cam主事後大嘆：「麻煩各位主人叫工人姐姐放狗嘅，記得記得一定要扣好條繩，點可能俾隻柴犬跑上去迴旋處，勁多大車cXs，住元朗嘅自己認吓隻柴犬同工人姐姐啦，真係好危險，好笑我捉狗，因為柴犬真係好惡想咬X我。」
影片引起熱議，網民大讚車主好人及英勇，留言：「好人一世平安」、「車主好英勇，抵讚！」、「柴犬好彩遇上cam主，cam主唔停低就唔知佢走去邊了」、「好人有好報！路路亨通 財源廣進 出入平安 長揸長有！」、「樓主好好心地!柴犬好惡㗎」
