/public/tvbcom/article/images/202507/add4f418-5169-417d-8a6d-a44bd46cc7c9.jpeg)
不少家長都會幫小朋友報讀坊間舉辦的入學面試班，協助小朋友面試順利躋身名校。但有家長報《東張西望》投訴有教學中心導師態度惡劣，對小朋友實施「軍訓式教學」，而且有片為證。
影片中導師兇神惡煞，不停責罵小朋友，嚇到他們連想去廁所都不敢提出，結果搞到瀨尿；有小朋友被嚇到眼皮跳，反被導師形容為擠眉弄眼。四、五歲的小朋友在課堂除了要承受軍訓式的紀律外，不少家長指老師還讓小朋友們惡性競爭互相攀比：「頭先個女仔佢啲禮物多到咁，如果你依家去到女拔萃見到佢，你輸啦！」家長D表示更過分的地方是老師對小朋友人身攻擊：「佢唔小心衝口而出話我小朋友醜樣，佢後尾就知道自己講錯嘢，好快話佢都可愛嘅，佢都有佢可愛之處。不過佢話始終建議我哋去面試嘅時候，畀小朋友戴返個口罩，遮住佢個樣，佢話驚老師見到佢個樣會扣印象分。」
+4
隨著事件發酵，面試班於網上留言區貼出律師信，警告大家不要誹謗以及揭露隱私，而《東張西望》亦收到懷疑涉事老師的WhatsApp，聲稱事件已進入司法程序，警告《東張西望》不要接該案件，否則會進一步聯絡律師。《東張西望》前往涉事教育中心了解，得悉他們已發聲明，宣布已與該導師終止合作。:quality(80)/public/tvbcom/article/images/202507/8332e8bd-701f-4963-9b06-4918bb6353a9.png)
