/public/tvbcom/article/images/202506/46ae5fd9-cb11-477a-aadd-9a3c9775ab39.jpeg)
《東張西望》上集講到，彩虹邨近期有一名老婦每日以長遮敲打路過的小朋友，《東張》攝製隊連日跟進。婆婆專挑學生落手，幼稚園旁邊的公園成為重災區，幼稚園校長接受訪問表示曾經收到家長的相關投訴：「其實我哋有行動過，我哋出過去睇過，喺放學嘅時候4點幾有出過去，但真係唔見呢個婆婆。」可惜沒有下文。
除了用雨傘敲打小朋友之外，其他鄰居更揭發被「敲腳婆婆」踢閘門、偷鞋、關水掣等滋擾行為。亦有鄰居表示婆婆以前並不是這樣，近年才出現各種怪異行為。
《東張西望》主持俞可程先後訪問婆婆本人及她的女兒，婆婆即否認她的行為：「冇，冇，冇！咩都冇，冇嗰啲嘢嘅。」最初女兒指婆婆因為走路不太平穩，所以用雨傘作輔助：「但佢如果見到周圍有小朋友衝出嚟撞佢或者踩滑板呢，佢就會拎把遮拍拍佢哋。」直到主持拿出影片證據才承認婆婆有患有認知障礙：「佢做嘅嘢佢都唔知，將近10年，已經好耐喇，一直都有覆診。」
+2
