未過期甜豉油驚現菇狀物體 事主嚇到嗌黐線：好核突 實情原來係咁！附豉油保鮮3大貼士

相中所見，瓶內有一粒粒菇狀物體，樓主坦言嚇怕：「嚇到我黐線，我又唔敢倒出嚟摸下個質感，驚死有菌，有冇人解答我到底係咩嚟…好核突」而甜豉油顯示「此日期前最佳」為2028年2月27日，即未過期。

有不少網友遇過同樣情況，其實該異物是一種酵菌，有食品公司曾解釋，豉油本身的營養（蛋白質、糖）非常適合酵菌生長，在開封後會接觸到空氣中的菌類，故建議開封後需擺放雪櫃，而「最佳食用日期」意指未開封前，一旦開封後應盡快食用完畢。

豉油保鮮有3大貼士，第一，每次用完都要抹乾淨樽口，並蓋實樽蓋，盡量減少空氣及濕氣入樽；第二，開封使用後要放入雪櫃冷藏存放，可以減低豉油受溫度變化影響，穩定品質；第三，定期檢查豉油狀態同食用期，確保豉油沒有異樣，可以繼續食用。