:quality(80)/public/tvbcom/article/images/202607/179a2c98-ddc6-45b8-987f-4feaf16ec7d7.png)
近日有港女在社交平台發文，憤怒大呻自己在旺角一間連鎖時裝店試衫時，在短短一分鐘內遭陌生男子「2度強行拉開試衣間門簾」，當時她更正在試穿 Bratop，令她感到極度害怕。事主在社交網發文還原當時的可怕遭遇，她指出，當時正在旺角一間連鎖時裝店內試衫，期間突然有陌生人強拉她的試衣間門簾：「試試下突然有把男人聲用普通話講：『你幫我看一下嘛』，仲想掀開我個簾，我即時大叫有人，然後㩒住個簾。」
延伸閱讀：紅磡超市驚爆鼠患！網民直擊多隻老鼠「大搖大擺」搵食 超市：即時棄置受影響食材
豈料驚魂未定，僅過了一分鐘左右，該名男子竟然再次折返：「隔咗一分鐘左右，個男人又講同一句，今次仲大力咗掀開咗少少，我都係立即撐實，但唔知佢有無睇到（當時仲要試緊 bratop…）」事主坦言當時「勁驚」，隨即急忙穿回衣服向店內職員投訴。雖然職員不斷道歉，但事主仍心有餘悸，直言「如果再見到呢啲firting（fitting） room係簾我唔會再入去，希望大家無論男女都要小心，之前見過類似新聞，無諗過會發生喺自己身上，cls experience…」
事件隨即引起大批網民熱烈討論。不少網民認為場面可怕，質疑該男子的動機，事主其後更新情況，表示自己已經報警求助。不過，警方在調查後指出該處剛好是監控鏡頭的「死角位」：「啱啱報咗警，警方話果個係死角位，淨係見到個男人有郁，影唔到樣/見唔到用手機影，同埋見到佢屋企人喺度，所以相信係誤會，唔會搵佢問清楚事件係點，因為見唔到有案發生緊。」
涉事連鎖時裝店亦隨即急急發文向公眾道歉，承諾會切實作出改善：「非常抱歉讓顧客在試穿期間發生不愉快體驗，我們高度重視此次事件。我們已與涉事店鋪及員工進行詳細調查，承諾會加強員工對試衣室周邊警覺性的培訓，以免同類事件再次發生。另外，我們亦收到顧客提及有關試衣室門簾安全性的意見，客戶服務中心已完整記錄事件並會反映至相關部門以作出硬件上的改善。謝謝。」
