旺角護老院疑虐老！老人被綁輪椅長期困洗衣房：救我出去啊

苦主佩玲早年因為患上癌症和曾經中風，失去自理能力，家人就安排她入住護老院方便照顧，去年6月轉到旺角一間私營院舍，家姐李小姐指佩玲年尾時曾與她說：「我好驚，佢哋困住我」，起初她半信半疑，亦曾向院方查詢，對方只以「偶爾嗌吓，冇乜嘢」回應。

直至今年3月，一名院工偷偷將多段片段交給李小姐。片中可見，佩玲身處洗衣房，被困於輪椅上全身攤軟，周圍完全無人。佩玲一見有人進入即刻無助求救：「救我出去啊！唔該唔該唔該唔該～」

李小姐更表示報料者向其透露因佩玲經常喊鬧，他們不想吵到其他人，大概由晚上7點，沒有人來探望就將佩玲關起來，直到早上7點多會把她放出來。

事實上不止佩玲，還有其他院友同樣被人綁在洗衣房，而且片段中佩玲穿著不同衣服，顯示被困洗衣房並非偶然，而是經常發生。

李小姐一家即時報警，並將佩玲送院。其後，佩玲才道出在院舍的遭遇：「虐待到我好犀利！如果我瞓著咗，我都唔知佢推咗我去邊，唔理我有冇得食，水又唔俾啖我， 食又冇得食！話知我死啊，監犯一樣！」住院期間，家人更發現佩玲長期衛生惡劣：身上佈滿紅點，雙腳腐爛得非常嚴重。